ОКТЯБРЬСКИЙ МУЗЫКА КОЛЛЕДЖЫ

ОКТЯБРЬСКИЙ МУЗЫКА КОЛЛЕДЖЫ, 1969 й. музыка уч‑щеһы булараҡ асыла, 2012 й. хәҙ. статусын ала. Уҡытыу көндөҙгө бүлектә инструменталь башҡарыу (йүнәлештәре: халыҡ оркестры инструменттары, тынлы һәм һуҡма оркестр инструменттары, ҡыллы оркестр инструменттары, фп.), музыка теорияһы, хор м‑н дирижёрлыҡ итеү, халыҡ йырын яңғыҙ һәм хор м-н башҡарыу һөнәрҙәре б‑са алып барыла. Китапханаһы, 2 концерт, камера, хореография, спорт, уҡыу залдары, видео‑ һәм фонотекаһы, ятағы бар. Башҡорт фольклор, вокаль, халыҡ инструменттары, урыҫ йыры, скрипкасылар ансамблдәре; тынлы инструменттар, урыҫ халыҡ инструменттары, симфоник, эстрада оркестрҙары; академик хор эшләй. 1,6 мең белгес әҙерләнгән (2013). Уҡыу йорто Ҡазан һәм Магнитогорск консерваториялары, Музыка колледжы, Гнесиндар ис. Рәсәй музыка акад. (Мәскәү), Сәнғәт институты, Сәнғәт училищеһы, Силәбе мәҙәниәт ин‑ты м‑н хеҙмәттәшлек итә. Колледж бинаһы (1953 й. төҙөлгән) архитектура ҡомартҡыһы булып тора.

Ю.С.Алимина

Тәрж. Ә.Н.Аҡбутина