ҒИНИӘТУЛЛИНА Светлана Ғәйнулла ҡыҙы
ҒИНИӘТУЛЛИНА Светлана Ғәйнулла ҡыҙы (7.7.1975, БАССР-ҙың Ҡариҙел р‑ны Ҡариҙел а.), актриса. БР-ҙың халыҡ (2014) һәм атҡ. (2005) артисы. Театр эшмәкәрҙәре союзы ағзаһы (2003). ӨДСИ‑не тамамлағандан һуң (1997; А.И.Карякин, Т.Н.Хәйбуллина курсы) Стәрлетамаҡ ҡала урыҫ драма театры актрисаһы.
Төрлө пландағы актриса. Лирик-драматик ролдәрҙе лә, комик персонаждарҙы ла һоҡланғыс уйнай: Галя (“Хапун”, В.И.Ольшанский), Агафья Тихоновна (“Өйләнеү” — “Женитьба”, Н.В.Гоголь), Анна Демби (“Кин IV, йәки Гений һәм аҙғынлыҡ” — “Кин IV, или Гений и беспутство”, Г.И.Горин), Ирина (“Апалы‑һеңлеле өсәү” — “Три сестры”, А.П.Чехов), Катя (“Биш кис” — “Пять вечеров”, А.М.Володин), Зөбәржәт (“Ай тотолғантөндә”), Люба (“Һуңғылар” — “Последние”, М.Горький), Турандот (“Принцесса Турандот”, К.Гоцци), Женевьева (“Блэз”, К.Манье), Флоренс (“Сәйер миссис Сэвидж” — “Странная миссис Сэвидж”, Д.Патрик), Зоя Денисовна Пельц (“Зояның фатиры” — “Зойкина квартира”, М.А.Булгаков) һ.б. “Актёр йыры” респ. конкурсы (Өфө, 1998) лауреаты; “Драма театры актёрҙары йырлай” (“Поют актёры драматических театров”; Түб. Новгород, 1998) Рәсәй фестивале дипломанты. Ш.Бабич ис. пр. лауреаты (2009).
Тәрж. Г.Һ.Ризуанова