ӘХМӘҘИЕВА Ғәлиәбаныу Ниязмөхәмәт ҡыҙы
ӘХМӘҘИЕВА Ғәлиәбаныу Ниязмөхәмәт ҡыҙы (28.8.1948, Ырымбур ҡ.), музыка белгесе, педагог‑методист, муз.‑йәмәғәт эшмәкәре. БР‑ҙың атҡ. сәнғәт эшмәкәре (2009). Композиторҙар союзы ағзаһы (1995). ӨДСИ‑не тамамлағандан һуң (1974) Өфө сәнғәт уч‑щеһында, 1993 й. алып ӨДСИ‑лә уҡыта, бер үк ваҡытта 1993—2005 йй. “Башҡорт энциклопедияһы” ғилми нәшриәтенең төп ғилми мөхәррире. Фәнни хеҙмәттәре башҡорт проф. музыкаһына, композиторҙар ижадына, респ. милли балеты, Һиндостан һәм Башҡортостан музыкаль театр сәнғәте параллелдәре тарихына арналған. 100‑гә яҡын фәнни хеҙмәт, ш. уҡ муз. вуздар студенттары өсөн программа‑конспект (1997), башҡорт музыкаһы тарихы б‑са уҡыу әсбабы (2006; икеһе лә – авторҙашлыҡта) һ.б. авторы.
Х е ҙ м.: Балеты Наримана Сабитова. Уфа, 2003; Башкирский балет. Уфа, 2003; Опера и балет Башкортостана: справочник. Уфа, 2012 (авторҙ.).
Тәрж. Ә.Н.Аҡбутина