ЧЕРКАСОВ Владимир Иванович

ЧЕРКАСОВ Владимир Иванович (23.6.1918, Өфө — 22.10.1943, Белорус ССР-ы Чаплин а.), Советтар Союзы Геройы (1943). 1939 й. Халхин-Гол й. янында совет-япон хәрби бәрелешендә, Б.В. һуғышында ҡатнашыусы. 26-сы Рыбинск моторҙар з-дында (Ярославль өлк.), Өфө моторҙар з-дында эшләй. 1938 й. алып Ҡыҙыл Армияла. 1943 й. февр. башлап Үҙәк фронтта хеҙмәт итә. Герой исеменә 65-се армияның 106-сы уҡсылар див. 188-се уҡсылар полкы пулемёт расчёты ком. сержант Ч. 1943 й. 15 һәм 16 окт. Днепр й. аша сыҡҡанда һәм Белорус ССР-ының Лоев ҡала тибындағы ҡасабаһын алыуҙа күрһәткән батырлығы өсөн лайыҡ була. Ленин орд. м-н бүләкләнгән (1943). Лоев ҡасабаһында уға мемориаль таҡтаташ ҡуйылған.

Тәрж. Р.Ғ.Ғилманов