АҪАУ-ЗУБОВ, Стәрлетамаҡ р‑нындағы ауыл

АҪАУ-ЗУБОВ, Стәрлетамаҡ р‑нындағы ауыл, Казадаевка а/с ҡарай. Район үҙәгенән һәм Стәрлетамаҡ т. юл ст. Т. табан 14 км алыҫлыҡта Аҫау й. (Ҡуғанаҡ й. ҡушылдығы) буйында, Өфө — Ырымбур автомобиль юлында урынлашҡан. Халҡы: 1906 й. — 385 кеше; 1920 — 560; 1939 — 517; 1959 — 466; 1989 — 117; 2002 — 277; 2010 — 137 кеше. Татарҙар, урыҫтар йәшәй (2002).

Фаразланыуынса, 19 б. Стәрлетамаҡ өйәҙендә нигеҙ һалына; алпауыт Зубовтарға ҡараған. Шулай уҡ Александров, Асаф, Аҫаутамаҡ, Зубов исемдәре м‑н билдәле булған. 19 б. 70‑се йй. ерҙе элекке алпауыт крәҫтиәндәре һатып алған. 1865 й. 24 йортта 365 кеше йәшәгән. Игенселек, сабата үреү, сана, арба, ағас һауыт-һаба яһау м‑н шөғөлләнгәндәр. Сиркәү (1852 й. төҙөлгән) булған. 1906 й. ш. уҡ сиркәү-мәхәллә мәктәбе, мөгәзәй теркәлгән. 20‑се йй. алып хәҙ. исемен йөрөтә.

Ю.А.Кәримов, Ә.З.Әсфәндиәров

Тәрж. Р.Ғ.Ғилманов