БАТТАЛ, Учалы р‑нындағы ауыл
БАТТАЛ, Учалы р‑нындағы ауыл, Озёрный а/ с ҡарай. Район үҙәгенән К.‑Көнб. 87 км һәм Уралтау т. юл ст. К.‑Көнс. табан 39 км алыҫлыҡта урынлашҡан. Халҡы: 1900 й. — 221 кеше; 1920 — 222; 1939 — 196; 1959 — 206; 1989 — 242; 2002 — 344; 2010 — 316 кеше. Башҡорттар йәшәй (2002). Төп мәктәп (Озёрный урта мәктәбе филиалы), фельдшер‑акушерлыҡ пункты, клуб бар.
Ауылға Верхнеурал өйәҙе Күбәләк улусы башҡорттары үҙ ерҙәрендә нигеҙ һала, 1795 й. билдәле (Ике Баттал исемле 2 утарҙа 47 кеше йәшәгән 5 йорт иҫәпкә алынған). Тәүге төпләнеүсенең исеме м‑н аталған (уның улдары Аҙнағол, Бәхтегәрәй, Аҙнабай һәм Йомағол Батталовтар билдәле). 1866 й. 32 йортта 215 кеше йәшәгән. Малс‑ҡ, игенселек м‑н шөғөлләнгәндәр. Я.Ш.Әхмәтйәнов ошо ауылда тыуған.
Ә.З.Әсфәндиәров
Тәрж. Д.К.Үзбәков