БАЙМАҠ ҠОЙОУ-МЕХАНИКА ЗАВОДЫ
БАЙМАҠ ҠОЙОУ‑МЕХАНИКА ЗАВОДЫ, АЙЙ. Төрлө насостар һәм улар өсөн, ш. уҡ мәғдән онтау тирмәндәре, туҙыуға сыҙамлы күп хромлы суйындан эшләнгән онтағыс комплекстар өсөн запас частар етештерә. Составына ҡойоу, механик эшкәртеү, насос ҡороу цехтары инә. 2011 й. 580 кеше эшләгән. Продукцияһын ҡулланыусылар – БР‑ҙың, РФ‑тың башҡа төбәктәренең һәм яҡын сит илдәрҙең тау‑металлургия пр-тиелары.
1957 й. Баймаҡ баҡыр иретеү з‑ды (ҡара: Таналыҡ‑Баймаҡ заводы) базаһында Ш.Хоҙайбирҙин ис. Баймаҡ машиналар эшләү з‑ды (суйын һәм төҫлө ҡойолмалар етештергән) булараҡ нигеҙ һалына, 1999 й. хәҙ. статусын ала, 2004 й. алып хәҙ. исемен йөрөтә. 1970—80 йй. тармаҡта тәүгеләрҙән булып з‑дта ҡойолманы электрогидравлик ысул м‑н таҙартыу производствоға индерелә, аҙ сығымлы һәм туҙыуға сыҙамлы суйын иретмәләре үҙләштерелә.
Тәрж. Д.М.Шәрәфетдинов