САДОВЫЙ, Хәйбулла р‑нындағы ауыл
497
САДОВЫЙ, Хәйбулла р‑нындағы ауыл, Аҡъяр а/с ҡарай. Район үҙәгенән Т. 6 км һәм Һары т. юл ст. (Ырымбур өлк.) Т.‑Көнс. табан 64 км алыҫлыҡта Таналыҡ й. буйында урынлашҡан. Халҡы: 1939 й. — 178 кеше; 1959 — 376; 1989 — 666; 2002 — 620; 2010 — 641 кеше. Башҡорттар йәшәй (2002). «“Урал аръяғы” машина- технология станцияһы» ДУАХП‑ның Хәйбулла филиалы эшләй. Башланғыс мәктәп, балалар баҡсаһы, фельдшер‑акушерлыҡ пункты, мәҙәниәт йорто, китапхана бар. Ауылға 1934 й. МТС ойошторолоуға бәйле Хәйбулла МТС‑ы ҡасабаһы булараҡ нигеҙ һалына. 60‑сы йй. хәҙ. исемен, 2005 й. хәҙ. статусын йөрөтә.
Тәрж. Р.Ғ.Ғилманов
Дата публикации: 10.10.2019
Дата последнего обновления публикации: 12.11.2019
Энциклопедиялар: