СЕЛИВАНОВКА, Әбйәлил р‑нындағы ауыл

СЕЛИВАНОВКА, Әбйәлил р‑нындағы ауыл, Дәүләт а/с ҡарай. Район үҙәгенән Т.‑Көнс. 16 км һәм Магнитогорск т. юл ст. (Силәбе өлк.) Көнб. табан 38 км алыҫлыҡта Сыбаркүл буйында урынлашҡан. Халҡы: 1939 й. — 246 кеше; 1959 — 303; 1989 — 165; 2002 — 193; 2010 — 188 кеше. Урыҫтар, башҡорттар йәшәй (2002). Халҡы “Агро” ЯСЙ‑нда эшләй. Фельдшер‑акушерлыҡ пункты, клуб бар.

Ауылға 20 б. 20‑се йй. Тамъян-Ҡатай кантонында ш. уҡ кантондың Ҡағы а. кешеләре тарафынан Селивановка утары булараҡ нигеҙ һалына. 1925 й. 11 йорт иҫәпкә алынған. 2005 й. хәҙ. статусын йөрөтә.

Тәрж. Р.Ғ.Ғилманов