СЕМЁНОВКА, Баймаҡ р‑нындағы ауыл

СЕМЁНОВКА, Баймаҡ р‑нындағы ауыл, Семёновка а/с үҙәге. Район үҙәгенән К. 10 км һәм Сибай т. юл ст. К.‑Көнб. табан 51 км алыҫлыҡта урынлашҡан. Халҡы: 1920 й. — 790 кеше; 1939 — 223; 1959 — 586; 1989 — 456; 2002 — 354; 2010 — 276 кеше. Башҡорттар йәшәй (2002). Башланғыс мәктәп, балалар баҡсаһы, фельдшер‑акушерлыҡ пункты, мәсет бар.

Ауылға 1912—13 йй. Орск өйәҙендә Көньяҡ Урал тау сәнәғәте акционерҙар йәмғиәте тарафынан баҡыр колчеданы ятҡылыҡтарын эшкәртеүҙе башлауға бәйле Семёновка руднигы ҡасабаһы (тәүге документтарҙы әҙерләгән геологтың фамилияһы б‑са аталған) булараҡ нигеҙ һалына. Шулай уҡ Юшатау исеме м‑н билдәле булған. 80‑се йй. аҙ. хәҙ. исемен һәм статусын йөрөтә. А.К.Тимеров ошо ауылда тыуған.

Ә.З.Сәйғәфәров

Тәрж. Р.Ғ.Ғилманов