СӘЙРӘН, Туймазы р‑нындағы ауыл
СӘЙРӘН, Туймазы р‑нындағы ауыл, Сәйрән а/с үҙәге. Район үҙәгенән К.‑Көнс. 42 км һәм Ҡандра т. юл ст. К.‑Көнс. табан 12 км алыҫлыҡта урынлашҡан. Халҡы: 1906 й. — 720 кеше; 1920 — 948; 1939 — 1191; 1959 — 869; 1989 — 604; 2002 — 592; 2010 — 688 кеше. Башҡорттар, татарҙар йәшәй (2002). Төп мәктәп, балалар баҡсаһы, фельдшер‑акушерлыҡ пункты, китапхана бар.
Ауылға 17 б. 1‑се ярт. Ҡазан даруғаһы Ҡобау улусы башҡорттары үҙ ерҙәрендә нигеҙ һалған, тип фараз ителә. Башҡорттар м‑н бергә яһаҡлы татарҙар йәшәгән. 1795 й. 18 йортта 103 кеше иҫәпкә алынған, 1865 й. 58 йортта – 376 кеше. Малс‑ҡ, игенселек, балта эше м‑н шөғөлләнгәндәр. Мәсет булған. 1906 й. ш. уҡ бакалея кибете, мөгәзәй теркәлгән. М.М.Ғәниев, Ә.М.Гәрәев ошо ауылда тыуған.
Тәрж. Р.Ғ.Ғилманов