СУРАЙ, Миәкә р‑нындағы ауыл

СУРАЙ, Миәкә р‑нындағы ауыл, Мәнәүезтамаҡ а/с ҡарай. Район үҙәгенән Т.‑Көнб. 20 км һәм Аксёнов т. юл ст. К. табан 40 км алыҫлыҡта Дим й. буйында урынлашҡан. Халҡы: 1906 й. — 216 кеше; 1920 — 313; 1939 — 314; 1959 — 343; 1989 — 210; 2002 — 177; 2010 — 130 кеше. Башҡорттар йәшәй (2002). Фельдшер‑акушерлыҡ пункты бар.

Ауылға Нуғай даруғаһы Илекәй- Мең улусы башҡорттарының аҫаба ерҙәрендә 1743 й. керҙәшлек килешеүе б‑са башҡорттар нигеҙ һала. Шулай уҡ Сура булараҡ теркәлгән. 1795 й. 4 йортта 32 кеше йәшәгән, 1865 й. 30 йортта — 156 кеше. Малс‑ҡ, игенселек, умарт‑ҡ м‑н шөғөлләнгәндәр. 1906 й. мөгәзәй теркәлгән.

Тәрж. Р.Ғ.Ғилманов