Для авторизации на текущем портале в Вашем профиле ЕСИА должно быть заполнено поле "Электронная почта"

Инергə
Төбәк интерактив энциклопедик портал «Башҡортостан»
Башҡортостан Республикаһы Фәндәр академияһы Башҡортостан Республикаһы “Башҡорт энциклопедияһы” дәүләт автономиялы фән учреждениеһы

РУСАК Анатолий Михайлович

Просмотров: 408

РУСАК Анатолий Михайлович (21.4. 1941, Мәскәү — 30.12.2005, Өфө), инженер-механик. Техник ф. д-ры (1998), проф. (1991). БР-ҙың атҡ. фән һәм техника эшмәкәре (1992). ӨАИ-ны тамамлағандан һуң (1963) шунда уҡ эшләй: 1965 й. тиклем лаб. мөдире, 1977 й. алып ғәмәли гидромеханика каф. мөдире, бер үк ваҡытта 1995—2001 йй. авиация двигателдәре ф-ты деканы. Фәнни эшмәкәрлеге ракета двигателдәре м-н идара итеү системаларына арналған. Р. етәкс. ҡаты яғыулыҡта эшләгән двигателдәрҙең гидропневмоавтоматикаһы һәм тартыуы б-са тикшеренеүҙәр үткәрелгән; осоу аппараттары м-н идара итеү системаларының, ҡаты яғыулыҡта эшләгән двигатель ҡулайламаларындағы автоматлаштырылған көйләү системаларының электр гидрокөсәйткестәре характеристикаларын хисаплау методикаһы эшләнгән. Асыштары БР һәм РФ авиация сәнәғәте пр-тиеларында индерелгән. 200-ҙән ашыу фәнни хеҙмәт һәм 30 уйлап табыу авторы. Хеҙмәт Ҡыҙыл Байраҡ орд. м-н бүләкләнгән (1982).

Х е ҙ м.: РДТТ с регулируемым модулем тяги. Миасс, 1991 (авторҙ.); Регулируемые твердотопливные двигательные установки. Уфа, 1996 (авторҙ.); Струйные гидравлические рулевые машины. Уфа, 2002 (авторҙ.).

В.А.Целищев

Тәрж. Р.Ғ.Ғилманов

Дата публикации: 10.10.2019
Дата последнего обновления публикации: 12.11.2019