САЛАУАТ ТЭЦ-ы

САЛАУАТ ТЭЦ‑ы, “Башҡортостан генерациялау компанияһы” ЯСЙ филиалы. Электр һәм йылылыҡ энергияһы етештерә. Составына ҡаҙанлыҡ, турбина, электр, химия, йылылыҡ автоматикаһы һәм үлсәмдәре, ремонт‑төҙөлөш цехтары; ағымдағы ремонт участкаһы инә. 2008 й. 433 кеше эшләгән. Продукцияһын ҡулланыусылар — БР һәм РФ‑тың башҡа төбәктәренең халҡы һәм пр‑тиелары. 1950 й. 18‑се комб‑т (ҡара: “Газпром нефтехим Салават”) составында нигеҙ һалына, 1953 й. тәүге сираты (ҡеүәте 25 мең кВт) сафҡа индерелә, 1954 й. алып “Башкирэнерго” составында (1966 й. электр ҡеүәте — 304 мең кВт), 1992 й. — филиал, 2006 й. хәҙ. статусын ала. Пр‑тиела БР‑ҙа тәүге тапҡыр һыу селтәрен Гилуфер‑422 юшҡын яһау ингибиторы м‑н эшкәртеү технологияһы индерелә (2001). 1952—2009 йй. пр‑тие тарафынан 66,03 млрд кВт•сәғ. электр һәм 225,2 млн Гкал йылылыҡ энергияһы етештерелгән.

Тәрж. Г.Ҡ.Ҡунафина