СӘЙЕТОВ Раил Идиәт улы

СӘЙЕТОВ Раил Идиәт улы, (1.1. 1952, БАССР‑ҙың Миәкә р‑ны Өршәкбаш‑Ҡарамалы а.), инженер‑электроник. Техник ф. д‑ры (2001), проф. (2008). БР‑ҙың мәғариф отличнигы (2001), РФ‑тың почётлы юғары проф. белем биреү хеҙм‑ре (2007). Ленинград политехник ин‑тын тамамлаған (1980). 1988 й. алып Ташкент политехник ин‑тында өлкән ғилми хеҙм‑р, төп ғилми хеҙм‑р, 1992–93 йй. “Тест” бәләкәй пр‑тиеһы (Ташкент) директоры. 1994 й. башлап (өҙөклөк м‑н) БДПУ‑ла: лаб. мөдире, физика‑матем. ф‑ты деканы урынбаҫары, 2004 й. – мәғлүмәт системалары һәм технологиялары каф. мөдире, 2005 й. алып Проф. белем биреү һәм мәғлүмәт технологиялары ин‑ты дир., 2015 й. – мәƒлүмәт һәм полиграфия системалары һәм технологиялары каф. мөдире. 1998–2004 йй. БР‑ҙың Мәғарифты үҫтереү ин‑ты проректоры. Фәнни эшмәкәрлеге контроль‑үлсәү һәм информация системаларын, тирә‑яҡ мөхитте, төрлө матдәләрҙе һәм изделиеларҙы контролдә тотоу ысулдарын һәм приборҙарын уйлап табыуға арналған. С. тарафынан агросәнәғәт комплексы материалдарының дымлылығын контролдә тотоу өсөн үтә юғары йышлыҡтағы унификацияланған бер нисә прибор эшләнгән. Асыштары БР пр‑тиеларында индерелгән. 120‑нән ашыу фәнни хеҙмәт һәм 13 уйлап табыу авторы.

Х е ҙ м.: СВЧ‑влагометрия продуктов сельского хозяйства. Уфа, 1999; Повышение качества аппаратуры обеспечением взаимозаменяемости при изготовлении. Уфа, 2011 (авторҙ.).

Ф.Х.Ҡыҙрасов

Тәрж. Р.Ғ.Ғилманов