СЕЛЛАИТ, минерал

СЕЛЛАИТ (итал. минералогы К. Селла исеменән), фторидтар класы минералы, MgF₂. Кристалдары бағана, оҙон призма формаһынан алып энәлегә тиклем. Агрегаттары ваҡ бөртөклө, кристаллы ҡабыҡ һәм айырым бөртөктәр рәүешле. Төҫө аҡ, төҫһөҙ, быяла кеүек ялтыр. Ҡатылығы 5—6, тығыҙлығы 3170 кг/м³. Тоҙло, доломит‑ангидрит, фумароль ултырмаларҙа һәм гидротермаль ятҡылыҡтарҙа барлыҡҡа килә. Сит илдә С. (башлыса синтетик) оптик производствола ҡулланыла. Уралда С. тәүге тапҡыр БР‑ҙа Соран плавик шпаты (ҡара: Флюорит) ятҡылығында табыла, унда 105—130°С барлыҡҡа килеү т‑раһы м‑н флюоритҡа тиклемге юлаҡтарҙы ҡаплай; запасы 180 мең т баһаланған айырым мәғдән сортына индерелә.

А.А.Алексеев

Тәрж. Э.М.Юлбарисов