СИБАЙ БАЛАЛАР АҘЫҒЫ ҺӨТ-КОНСЕРВА КОМБИНАТЫ

СИБАЙ БАЛАЛАР АҘЫҒЫ ҺӨТ- КОНСЕРВА КОМБИНАТЫ, “С и б а й к о н с е р в м о л о к о”, балалар аҙығы, киптерелгән һөт һәм сыворотка, натрий казеинаты, аҡ май һ.б. етештереү пр‑тиеһы. 1979 й. нигеҙ һалына, 1984 й. сафҡа индерелә, 1985 й. пр‑тие составына Сибай май- сыр комб‑ты (1962 й. нигеҙ һалына) инә; 1994 й. алып ААЙ (2000 й. — тиҙ эреүсән һөт һәм балалар аҙығы, 2002 й. һөтлө һәм һөтһөҙ балалар бутҡаһы сығарыу үҙләштерелә), 2008 й. ябыла. Составына май (1984), консерва (1985), айыртылмаған һөт продукцияһы (1988) цехтары ингән. 2005 й. 335 кеше эшләгән; 101 т айыртылмаған һөт продукцияһы етештерелгән. Продукцияһы БР‑ҙа һәм РФ‑та һатылған, яҡын сит илдәргә сығарылған. Комб‑т продукцияһы (һөтлө һәм һөтһөҙ бутҡалар) “Алтын көҙ” Рәсәй агросәнәғәт күргәҙмәһенең көмөш миҙалына лайыҡ була (Мәскәү, 2003). 2006 й. алып пр‑тие терр‑яһында “Урал аръяғы продукттары” ЯАЙ урынлаша, ул оҡшаш продукция етештерә.

Тәрж. Г.Ҡ. Ҡунафина