САФИУЛЛИН Рөстәм Лотфулла улы
САФИУЛЛИН Рөстәм Лотфулла улы (1.1.1953, Куйбышев өлк. Алькино а.), химик‑кинетик. Химия ф. д‑ры (2002). БДУ‑ны тамамлағандан һуң (1974) Өфө химия ин‑тында эшләй: 2002 й. алып лаб. етәксеһе, бер үк ваҡытта дир. урынбаҫары, 2015 й. — директор. Фәнни хеҙмәттәре окисланыуҙың радикал‑сылбырлы процестарын, углеводородтарҙың сульфоокисланыуын, химия өлкәһендә ароматик нитрозооксидтарҙы тикшереүгә арналған. С. тарафынан углеводородтар сульфоокисланыуының аралаш молекуляр продукттары — алкансульфонадкислоталар айырып алына, уларҙың окисланыу әүерелештәре өйрәнелә. Алкансульфокислоталар (натрий тоҙҙары — йомшаҡ өҫкө йөҙҙә актив матдәләр) алыу технологияһының фәнни нигеҙҙәре, элементар радикаллы реакцияларҙы һан яғынан өйрәнеү ысулдары эшләнә. 280‑дән ашыу фәнни хеҙмәт, 4 уйлап табыу авторы.
Х е ҙ м.: Alkylperoxy Sulfonic Acids: Thermal Stability and Oxidizing Properties //Focus on Polymer Research. New York, 2004 (авторҙ.); Peroxide Intermediates of Olefin Ozonolysis — Carbonyl Oxides: Kinetics of Reactions //Peroxides at the Beginning of the Third Millennium. New York, 2004 (авторҙ.).
Тәрж. Ф.А.Ғималова