СОСНОВЫЙ БОР, Ҡариҙел р‑нындағы ауыл

СОСНОВЫЙ БОР, Ҡ а р и ҙ е л, Ҡариҙел р‑нындағы ауыл, Магинск а/с ҡарай. Район үҙәгенән Көнс. 14 км һәм Щучье Озеро т. юл ст. (Пермь крайы) К.‑Көнс. табан 124 км алыҫлыҡта Бирҙәш й. (Ҡариҙел й. ҡушылдығы) буйында урынлашҡан. Халҡы: 1939 й. — 1502 кеше; 1959 — 1118; 1989 — 205; 2002 — 203; 2010 — 152 кеше. Татарҙар, башҡорттар йәшәй (2002). Фельдшер‑акушерлыҡ пункты бар.

Ауылға 1888 й. Бөрө өйәҙендә Быяла заводы ҡасабаһы булараҡ нигеҙ һалына. 20 б. 30‑сы йй. алып Ҡариҙел быяла заводы ҡасабаһы, 1944 й. Ҡариҙел эшселәр ҡасабаһы булараҡ теркәлгән, 80‑се йй. аҙ. хәҙ. исемен һәм статусын йөрөтә.

Тәрж. Р.Ғ.Ғилманов