СОСНОВЫЙ ЛОГ, Балаҡатай р‑нындағы ауыл

СОСНОВЫЙ ЛОГ, Балаҡатай р‑нындағы ауыл, Түб. Исҡуш а/с ҡарай. Район үҙәгенән Т.‑Көнб. 29 км һәм Үңкерҙе т. юл ст. (Силәбе өлк.) Көнб. табан 66 км алыҫлыҡта Күсәүеш й. (Әй й. басс.) буйында урынлашҡан. Халҡы: 1939 й. — 92 кеше; 1959 — 116; 1989 — 166; 2002 — 192; 2010 — 125 кеше. Урыҫтар йәшәй (2002). Башланғыс мәктәп (Исҡуш урта мәктәбе филиалы), фельдшер‑акушерлыҡ пункты, клуб бар.

Ауылға 20 б. 20‑се йй. Мәсәғүт кантонында а.х. артелдәре ойошторолған ваҡытта Сосновый Лог (Попов Е.М.) утары булараҡ нигеҙ һалына. 1925 й. 2 хужалыҡ иҫәпкә алынған. 50‑се йй. — Лиственный Лог а., 70‑се йй. Липовый Лог а. (икеһе лә 20‑се йй. нигеҙләнгән) ҡушылған. 50‑се йй. хәҙ. статусын ала.

Тәрж. Р.Ғ.Ғилманов