Для авторизации на текущем портале в Вашем профиле ЕСИА должно быть заполнено поле "Электронная почта"

Инергə
Төбәк интерактив энциклопедик портал «Башҡортостан»
Башҡортостан Республикаһы Фәндәр академияһы Башҡортостан Республикаһы “Башҡорт энциклопедияһы” дәүләт автономиялы фән учреждениеһы

РӘХИМОВ Таһир Тимерхан улы

Просмотров: 58

РӘХИМОВ Таһир Тимерхан улы (25.9.1953, БАССР‑ҙың Стәрлебаш р‑ны Стәрлебаш а.), актёр. РФ‑тың атҡ. артисы (2007). В.Т.Рәхимованың ҡустыһы. Рәсәй театр сәнғәте акад. тамамлаған (1993; П.Н.Фоменко курсы). 1971—72 йй., 1974—76 йй. Башҡ. ҡурсаҡ театры, 1993 й. алып Мәскәүҙең “П.Фоменко оҫтаханаһы” театры актёры. Үҙенсәлекле актёр. Р. темперамент, импровизация оҫталығы хас. Төп ролдәре: Чугунов (“Бүреләр һәм һарыҡтар” — “Волки и овцы”, А.Н.Островский), Редозубов (“Вәхшиҙәр” — “Варвары”, М.Горький), Кулыгин (“Апалы‑һеңлеле өсәү” — “Три сестры”, А.П.Чехов), Полковник, Постаногов, Мастер (“Бик бәхетле бер ауыл” — “Одна абсолютно счастливая деревня”, Б.Б.Вахтиндың ш. уҡ исемле повесы б‑са). Р. Джейсон роле иң күренекле эштәренең береһе була (“Ғауға һәм ярһыу” — “Шум и ярость”, У.Фолкнерҙың ш. уҡ исемле романы б‑са), бында ул кире образды көслө хистәр м‑н ышандырғыс итеп кәүҙәләндерә. Кино һәм т/ф ролдәре: Кулегенов (“Штрафбат”; 2004, “МакДос” кинокомпанияһы, “Эталонфильм” к/ст), Гуров (“Әсир” — “Пленный”; 2008); ш. уҡ “Прогулка” (“Ял итеү” 2003; икеһе лә — “РОК” ижади‑производство берекмәһе), “Афған боролмалары” (“Афганский излом”, 1991; “Ленфильм”, “Ладога”, “Русское видео” к/ст), “Аэропорт” (2005; “Новый Русский сериал” кинокомпанияһы, “Студия 217 АРК” ААЙ) һ.б. фильмдарҙа төшә. “Аҡсарлаҡ” (“Чайка”) театр пр. лауреаты (2004).

Әҙәб.: Н и к и ф о р о в а В. Поэтому им не прощают и сотой доли штампа //Театральная жизнь. 1995. №2; Я к у б о в а Н. А ещё? Актёры “Мастерской Петра Фоменко”: десять портретов на фоне театра //Шунда уҡ. 1997. №1.

А.Ә.Балғазина

Тәрж. Г.Һ.Ризуанова

 

Дата публикации: 10.10.2019
Дата последнего обновления публикации: 12.11.2019