СОЛТАНОВ Зөфәр Хәбир улы
СОЛТАНОВ Зөфәр Хәбир улы [12.3. 1927, БАССР‑ҙың Бөрө кантоны Түб. Маншыр а. (БР‑ҙың Дүртөйлө р‑ны) — 28.11.2012, Дүртөйлө ҡ.], режиссёр. РСФСР‑ҙың (1985) һәм БАССР‑ҙың (1967) атҡ. мәҙәниәт хеҙм‑ре. Б.В. һуғышында ҡатнашыусы. Башҡ. респ. мәҙәни‑ағартыу уч‑щеһын тамамлаған (Стәрлетамаҡ ҡ., 1968). 1947 й. алып Дүртөйлө колхоз- совхоз театры (ҡара: Колхоз‑совхоз театрҙары) актёры, 1949—89 йй. — татар театры (1968 й. “халыҡ” исемен ала), 1994—2008 йй. “Әллүки” клубы (икеһе лә — Дүртөйлө р‑ны мәҙәниәт йорто) етәксеһе була. Театрҙа 80‑дән ашыу спектакль ҡуйған: С.Ш.Поварисовтың “Ауылымдың алһыу таңдары”, “Ғәлиәбаныу”, М.А. Хәйҙәровтың “Еҙнәкәй”, И.Ә.Абдуллиндың “Тиле йәшлек”, М.Кәримдең “Ҡыҙ урлау” һәм “Яңғыҙ ҡайын”, Ә.М.Мирзаһитовтың “Әсәйемдең сал сәстәре” (бөтәһе лә — татар телендә) һ.б. 1‑се дәрәжә Ватан һуғышы орд. м‑н бүләкләнгән (1985).
Г.Ә.Ишкинина
Тәрж. Р.Р.Абдрахманов