ТҮБӘНГЕ БОБИН, Мәсетле р‑нындағы ауыл

ТҮБӘНГЕ БОБИН, К е с е Б о б и н, Мәсетле р‑нындағы ауыл, Кесе Ыҡтамаҡ а/с ҡарай. Район үҙәгенән Т.‑Көнс. 14 км һәм Красноуфимск т. юл ст. (Свердловск өлк.) К.‑Көнс. табан 122 км алыҫлыҡта Ыйыҡ й. (Әй й. ҡушылдығы) буйында урынлашҡан. Халҡы: 1906 й. — 615 кеше; 1920 — 404; 1939 — 347; 1959 — 365; 1989 — 494; 2002 — 641; 2010 — 643 кеше. Урыҫтар йәшәй (2002). Урта мәктәп, балалар баҡсаһы, фельдшер‑акушерлыҡ пункты, мәҙәниәт йорто (“Бирюсинка” урыҫ халыҡ фольклор ансамбле), китапхана бар.

Ауылға Красноуфимск өйәҙе Ҡошсо улусы башҡорттарының аҫаба ерҙәрендә 1826 й. керҙәшлек килешеүе б‑са Пермь губернаһынан килгән дәүләт крәҫтиәндәре Бобиндар утары исеме м‑н нигеҙ һала. 1869 й. (Үрге, Урта һәм Түб. Бобин аа. халҡы бергә иҫәпкә алынған) 46 йортта 299 кеше йәшәгән. Малс‑ҡ, игенселек м‑н шөғөлләнгәндәр. 1906 й. Бабин исеме м‑н иҫәпкә алынған, сиркәү (1901 й. төҙөлгән), һыу тирмәне, мөгәзәй, земство мәктәбе һәм сиркәү‑мәхәллә мәктәбе, 2 тимерлек, бакалея кибете, май һығыу оҫтаханаһы теркәлгән. 20‑се йй. хәҙ. исемен һәм статусын йөрөтә.

Г.Т.Хөсәйенова, Ә.З.Әсфәндиәров

Тәрж. Р.Ғ.Ғилманов