ТҮБӘНГЕ ИҘӘК, Благовещен р‑нындағы ауыл

ТҮБӘНГЕ ИҘӘК, Благовещен р‑нындағы ауыл, Иҙәк а/с ҡарай. Район үҙәгенән К.‑Көнс. 27 км һәм Загородная т. юл ст. Т.‑Көнс. табан 19 км алыҫлыҡта Иҙәк й. буйында урынлашҡан. Халҡы: 1906 й. — 402 кеше; 1920 — 540; 1939 — 186; 1959 — 202; 1989 — 253; 2002 — 240; 2010 — 256 кеше. Мариҙар йәшәй (2002). Фельдшер‑акушерлыҡ пункты бар.

Ауылға 1756 й. керҙәшлек килешеүе б‑са Нуғай даруғаһы Нуғайҙар-Мең улусы башҡорттарының аҫаба ерҙәрендә яһаҡлы мариҙар (улар һуңынан типтәрҙәр ҡатламына күскән) нигеҙ һала. 1809—10 йй. бында ш. уҡ шарттарҙа типтәрҙәрҙең яңы төркөмдәре килеп ултыра. 1865 й. 34 йортта 203 кеше йәшәгән. Игенселек, малс‑ҡ м‑н шөғөлләнгәндәр. 1906 й. шарап һәм 2 бакалея кибете, мөгәзәй теркәлгән. 2005 й. Т.И. Бәләкәй Иҙәк (20 б. башында нигеҙләнгән) һәм Урта Иҙәк (20 б. 30‑сы йй.) ҡасабалары ҡушыла.

Тәрж. Р.Ғ.Ғилманов