ТҮБӘНГЕ ТИМКӘ, Ҡырмыҫҡалы р‑нындағы ауыл

ТҮБӘНГЕ ТИМКӘ, Ҡырмыҫҡалы р‑нындағы ауыл, Ҡабаҡ а/с ҡарай. Район үҙәгенән Т.‑Көнб. 22 км һәм Ҡабаҡ т. юл ст. Көнб. табан 2 км алыҫлыҡта Иштиле й. (Өршәк й. басс.) буйында урынлашҡан. Халҡы: 1906 й. — 631 кеше; 1920 — 880; 1939 — 837; 1959 — 365; 1989 — 193; 2002 — 189; 2010 — 195 кеше. Башҡорттар, татарҙар йәшәй (2002).

Ауылға 1801 й., башҡа мәғлүмәттәр б‑са, 18 б. 2‑се ярт. Нуғай даруғаһы Мең улусы башҡорттарының аҫаба ерҙәрендә керҙәшлек килешеүе б‑са ш. уҡ өйәҙҙең Тимкә а. (хәҙ. Үрге Тимкә а.) типтәрҙәре Тимкә исеме м‑н нигеҙ һала. 19 б. 1‑се ярт. алып Яңы Тимкә булараҡ иҫәпкә алынған. 1865 й. (хәҙ. исемдә) 58 йортта 357 кеше йәшәгән. Игенселек, малс‑ҡ м‑н шөғөлләнгәндәр. Мәсет, училище булған. 1906 й. мәсет, 2 бакалея кибете теркәлгән. Р.Н. Шәйбәков ошо ауылда тыуған.

Тәрж. Р.Ғ.Ғилманов