ТҮБӘНГЕ ТӨКӨН, Ҡырмыҫҡалы р‑нындағы ауыл
ТҮБӘНГЕ ТӨКӨН, Ҡырмыҫҡалы р‑нындағы ауыл, Ҡамышлы а/с ҡарай. Район үҙәгенән К.‑Көнс. 27 км һәм Төкөн т. юл ст. Көнс. табан 4 км алыҫлыҡта Ағиҙел й. буйында урынлашҡан. Халҡы: 1906 й. — 398 кеше; 1920 — 470; 1939 — 598; 1959 — 508; 1989 — 346; 2002 — 356; 2010 — 297 кеше. Башҡорттар йәшәй (2002). Урта мәктәп, фельдшер‑акушерлыҡ пункты, клуб, китапхана, мәсет бар.
Ауылға Нуғай даруғаһы Кесе Табын улусы башҡорттары үҙ ерҙәрендә нигеҙ һала, 1739 й. алып Төкөн исеме м‑н билдәле. Һуңыраҡ, Урта Төкөн (хәҙ. Үрге Төкөн) бүлендек ауылы барлыҡҡа килгәндән һуң, хәҙ. исемен йөрөтә. 1795 й. Төкөн, Урта һәм Түб. Төкөн аа. бергә иҫәпкә алынған: 36 йортта 332 кеше йәшәгән, 1865 й. Т.Т. 46 йортта — 303 кеше. Малс‑ҡ, игенселек, умарт‑ҡ м‑н шөғөлләнгәндәр. Мәсет булған.
Тәрж. Р.Ғ.Ғилманов