ҮРГЕ БӘГӘНӘШ, Ауырғазы р‑нындағы ауыл

ҮРГЕ БӘГӘНӘШ, Ауырғазы р‑нындағы ауыл, Семёнкин а/с ҡарай. Район үҙәгенән К.‑Көнб. 32 км һәм Стәрлетамаҡ т. юл ст. Т.‑Көнб. табан 37 км алыҫлыҡта Уҫылы й. (Ҡуғанаҡ й. ҡушылдығы) буйында урынлашҡан. Халҡы: 1906 й. — 330 кеше; 1920 — 476; 1939 — 231; 1959 — 212; 1989 — 97; 2002 — 105; 2010 — 95 кеше. Башҡорттар йәшәй (2002).

Ауылға Нуғай даруғаһы Бәгәнәш-Мең улусы башҡорттары үҙ ерҙәрендә нигеҙ һала, 17 б. аҙ. алып Теләш исеме (тархан Теләш Бәгәнәшев исеменән) м‑н билдәле. Һуңынан Бәгәнәш, 18 б. аҙ. Бәгәнәш‑Әбүкән (ер биләүсе Әбүкән Исмәғилев исеменән) булараҡ теркәлгән. 1795 й. 67 йортта 449 кеше (халҡы 18 б. уртаһында нигеҙләнгән Түб. Бәгәнәш а. халҡы м‑н бергә иҫәпкә алынған) йәшәгән, 1865 й. Үрге Бәгәнәш‑Әбүкән а. 70 йортта — 458 кеше. Малс‑ҡ, игенселек, умарт‑ҡ м‑н шөғөлләнгәндәр. Мәсет, училище, һыу тирмәне булған. 1906 й. мәсет, тимерлек теркәлгән. 20 б. башынан хәҙ. исемен йөрөтә.

Тәрж. Р.Ғ.Ғилманов