ҮРГЕ ӘБСӘЛӘМ, Дыуан р‑нындағы ауыл
ҮРГЕ ӘБСӘЛӘМ, Дыуан р‑нындағы ауыл, Арый а/с ҡарай. Район үҙәгенән Т.‑Көнб. 8 км һәм Һилейә т. юл ст. (Силәбе өлк.) Т.‑Көнб. табан 83 км алыҫлыҡта Әнйәк й. (Әй й. ҡушылдығы) буйында урынлашҡан. Халҡы: 1906 й. — 667 кеше; 1920 — 419 (Түб. Әбсәләм а. халҡы м‑н бергә иҫәпкә алынған); 1939 — 87; 1959 — 68; 1989 — 65; 2002 — 98; 2010 — 103 кеше. Башҡорттар йәшәй (2002).
Ауылға 18 б. 2-се ярт. Себер даруғаһы Һарт улусы башҡорттары үҙ ерҙәрендә Әбдүсәләм исеме (тәүге төпләнеүсе Әбдүсәләм Әбүталипов исеменән) м‑н нигеҙ һала. 1795 й. 13 йортта 103 кеше йәшәгән, 1865 й. 73 йортта — 432 кеше. Малс‑ҡ, игенселек, умарт‑ҡ м‑н шөғөлләнгәндәр. 1906 й. Әбсәләм булараҡ теркәлгән; мәсет, мануфактура кибете булған. 20 б. 20‑се йй. Түб. Әбсәләм бүлендек ауылы барлыҡҡа килгәндән һуң, хәҙ. исемен ала.
Тәрж. Р.Ғ.Ғилманов