ТУЛТЫРМА
ТУЛТЫРМА, б ө й ә т, башҡорт аш-һыуында традицион ит аҙығы. Мал-тыуарҙың, һирәгерәк ҡоштарҙың, эс- ҡарынынан әҙерләнә. Бауыр, йөрәк, үпкә, эс майы, итте ваҡ итеп турап, төрлө тәмләткестәр ҡушып болғайҙар ҙа малдың туҡ эсәгенә (30—40 см оҙонлоҡта) тултыралар һәм ике яғынан еп м‑н бәйләйҙәр. Башҡортостандың көньяҡ- көнсығыш райондарында һирәкләп эслеккә — он, көньяҡта ш. уҡ төрлө ярма (тары, бойҙай, арпа, дөгө; ҡайһы бер осраҡта — бүрттереп) һалғандар. Традицион байрамдар һәм йолалар үткәргәндә Т. табынға өлөш итеп ҡуйғандар. Һуғым ваҡытында һаҡламға әҙерләп, туңдырылған килеш һаҡлағандар. Алтай, ҡаҙаҡ, ҡырғыҙ, мари, мордва , татар, үзбәк һ.б. халыҡтарҙың аш-һыуында таралған.
Э.В.Миһранова
Тәрж. М.В.Хәкимова