ТУЛАЙЫМ ЙӘМҒИӘТ ПРОДУКТЫ

ТУЛАЙЫМ ЙӘМҒИӘТ ПРОДУКТЫ, й ә м ғ и ә т т е ң  й ы й ы л м а  п р о д у к т ы, йәмғиәт тарафынан билдәле бер ваҡыт эсендә етештерелгән матди байлыҡтарҙың хаҡы. Матди сағылышында Т.й.п. — етештереү сараларынан һәм ҡулланыу әйберҙәренән; хаҡ сағылышында ҡулланылған етештереү саралары хаҡынан һәм милли килемдән тора. Башҡортостанда Т.й.п. күрһәткестәре 1966 й. башлап Т.й.п. етештереүҙең һәм бүлеүҙең тармаҡ‑ара балансын эшләгәндә иҫәпләнә. 1966—87 йй. Т.й.п. күләме б‑са БАССР союздаш респ. яртыһынан тиерлек алда бара. Т.й.п уртаса йыллыҡ үҫеш тиҙлеге 1967—72 йй. — 6,4%; 1973—77 йй. — 5,6; 1978—82 йй. — 4,9; 1983—87 йй. — 2% тәшкил итә. 1966—87 йй. респ. Т.й.п. матди сығымдар 45%‑тан алып 55%‑ҡа етә, был хужалыҡ итеүҙең сығымдары артыуын күрһәтә; Т.й.п. яҡынса 70%‑ы сәнәғәт өлөшөнә тура килә. Республикала Т.й.п. 1987 й. яҡынса 25 млрд һум, 1990 й. — 26,4, 1991 й. — 53 млрд һум тәшкил итә (мәғлүмәт ағымдағы хаҡтарҙа бирелгән). 1992 й. башлап респ. тулайым төбәк продукты иҫәпләнә.

Ҡ.Н.Йосопов

Тәрж. Ә.Н.Аҡбутина