ТӘНӘЙ, Фёдоровка р‑нындағы ауыл
ТӘНӘЙ, Фёдоровка р‑нындағы ауыл, Тәнәй а/с үҙәге. Район үҙәгенән Т.-Көнб. 8 км һәм Мәләүез т. юл ст. Т.‑Көнб. табан 71 км алыҫлыҡта Иҙәк й. (Дим й. ҡушылдығы) буйында урынлашҡан. Халҡы: 1906 й. — 1300 кеше; 1920 — 1372; 1939 — 718; 1959 — 614; 1989 — 418; 2002 — 440; 2010 — 446 кеше. Сыуаштар йәшәй (2002). Төп мәктәп, балалар баҡсаһы, фельдшер‑акушерлыҡ пункты, мәҙәниәт йорто, китапхана бар.
Ауылға 1794 й. Стәрлетамаҡ өйәҙендә Ҡазан губ. Козьмодемьянск өйәҙе Ишәк а. яңы суҡындырылған сыуаштары нигеҙ һала. 1795 й. 24 кеше иҫәпкә алынған, 1865 й. Т. (Иҙәкбаш) 124 йортта — 828 кеше. Игенселек, тәгәрмәс, туғын, арба, сана яһау м‑н шөғөлләнгәндәр. 1906 й. мөгәзәй теркәлгән. И.Н.Антипов‑Каратаев ошо ауылда тыуған.
Тәрж. Р.Ғ.Ғилманов