ТӨЛМӘЙ, йылға

ТӨЛМӘЙ, йылға, Инйәр й. уң ҡушылдығы. Силәбе өлк. Кварц тауынан көнсығышҡа табан 2 км алыҫлыҡта башлана. Силәбе өлк. һәм БР‑ҙың Белорет р‑ны буйлап төньяҡ‑көнсығыштан көньяҡ‑көнбайышҡа ҡарай аға. Инйәр й. (тамағынан 126 км алыҫлыҡта) ҡоя. Оҙонлоғо 62 км, басс. майҙаны 585 км². Башлыса ҡар һыуы м‑н туйына. Тамағында уртаса йыллыҡ һыу сығымы 5,9 м³/с. Басс. рельефы тәпәш тауҙарҙан тора, карст үҫешкән. Ландшафы кәҫле көлһыу тупраҡтағы ҡара ылыҫлы шыршы‑аҡ шыршы урмандарынан һәм аҡһыл һоро урман тупрағындағы киң япраҡлы урмандарҙан ғибәрәт. Басс. 88%‑ын урман ҡаплаған, яҡынса 1%‑ы һаҙланған. Т. басс. Көньяҡ Урал ҡурсаулығы сиктәрендә урынлашҡан. Ҡушылдыҡтары: уң — Ямашты; һул — Рәүәт һ.б.

В.А.Загорский

Тәрж. А.Н.Күсеев