ТУЙЫШ, Ҡариҙел р‑нындағы ауыл

ТУЙЫШ, Ҡариҙел р‑нындағы ауыл, Иҫке Аҡбүләк а/с ҡарай. Район үҙәгенән Т.‑Көнб. 23 км һәм Щучье Озеро т. юл ст. (Пермь крайы) К. табан 80 км алыҫлыҡта Байҡы й. (Ҡариҙел й. басс.) буйында урынлашҡан. Халҡы: 1906 й. — 499 кеше; 1920 — 141; 1939 — 158; 1959 — 182; 1989 — 144; 2002 — 119; 2010 —121 кеше. Башҡорттар йәшәй (2002). Фельдшер- акушерлыҡ пункты, клуб, мәсет бар.

Ауылға Бөрө өйәҙе Һунлар улусы башҡорттары үҙ ерҙәрендә нигеҙ һала, 1786 й. алып Тайыш исеме м‑н билдәле. Шулай уҡ Ташмәсет, Тегемәсет булып теркәлгән. 1795 й. (хәҙ. исемдә) 13 йортта 65 кеше йәшәгән, 1865 й. 15 йортта — 94 кеше. Малс‑ҡ, игенселек м‑н шөғөлләнгәндәр.

Тәрж. Р.Ғ.Ғилманов