ТУҠҺАНБАЙ, Миәкә р‑нындағы ауыл

ТУҠҺАНБАЙ, Миәкә р‑нындағы ауыл, Йәнәби‑Урсай а/с үҙәге. Район үҙәгенән К.‑Көнб. 38 км һәм Аксёнов т. юл ст. К.‑Көнб. табан 59 км алыҫлыҡта Дим й. буйында урынлашҡан. Халҡы: 1906 й. — 368 кеше; 1920 — 508; 1939 — 385; 1959 — 300; 1989 — 195; 2002 — 172; 2010 —128 кеше. Башҡорттар йәшәй (2002). Фельдшер-акушерлыҡ пункты, Аҡмулла М. музейы, мәсет бар.

Ауылға Нуғай даруғаһы Күл-Иле-Мең улусы башҡорттары үҙ ерҙәрендә нигеҙ һала, 1747 й. алып билдәле (керҙәшлек килешеүе б‑са ш. уҡ даруғаның Ҫарылы‑Мең улусы башҡорттары килеп ултырған). 1793 й. ш. уҡ шарттарҙа Минзәлә өйәҙе Ҫарылы‑Мең улусы Һарыһаҙ‑Тәкермән а. башҡорттарҙың яңы төркөмө күсеп ултырған. 1795 й. 15 йортта 61 кеше йәшәгән, 1865 й. 34 йортта — 191 кеше. Малс‑ҡ, игенселек м‑н шөғөлләнгәндәр. 1906 й. мәсет, мәҙрәсә, бакалея кибете теркәлгән. Аҡмулла ошо ауылда тыуған.

Тәрж. Р.Ғ.Ғилманов