ТУҢҒАТАР, Учалы р‑нындағы ауыл
ТУҢҒАТАР, Учалы р‑нындағы ауыл, Туңғатар а/с ҡарай. Район үҙәгенән Т.‑Көнс. 42 км һәм Ҡорама т. юл ст. К.‑Көнб. табан 7 км алыҫлыҡта Уй й. буйында урынлашҡан. Халҡы: 1900 й. — 870 кеше; 1920 — 1198; 1939 — 970; 1959 — 733; 1989 — 601; 2002 — 562; 2010 — 504 кеше. Башҡорттар йәшәй (2002). Халҡы “Саңғалык диорит карьеры” ААЙ‑нда эшләй. Башланғыс мәктәп (Комсомол урта мәктәбе филиалы), амбулатория, клуб, китапхана, мәсет бар.
Ауылға Себер даруғаһы Барын-Табын улусы башҡорттары үҙ ерҙәрендә нигеҙ һала, 1737 й. алып билдәле. Тәүге төпләнеүсе Туңғатар Ҡорҡасыҡов исеме м‑н аталған. 1795 й. 48 йортта 268 кеше йәшәгән, 1866 й. 128 йортта — 732 кеше. Малс‑ҡ, игенселек м‑н шөғөлләнгәндәр. 2 мәсет булған; улус идараһы, почта станцияһы урынлашҡан. 1900 й. 2 мәсет, 3 мәктәп, һыу тирмәне теркәлгән. Т. — 7‑се башҡ. кантонының үҙәге булған (1855 й. ҡарата). 20 б. башында ауылда С.И.Руденко булған. Р.С.Кәримова, И.Ф.Сиражетдинов ошо ауылда тыуған.
Тәрж. Р.Ғ.Ғилманов