ТУРБАҪЛЫ, Иглин р‑нындағы ауыл
ТУРБАҪЛЫ, Я ң ы Ю р м а ш, Иглин р‑нындағы ауыл, Турбаҫлы а/с үҙәге. Район үҙәгенән К.‑Көнб. 25 км һәм Шаҡша т. юл ст. К. табан 10 км алыҫлыҡта Юрмаш й. буйында урынлашҡан. Халҡы: 1906 й. — 472 кеше; 1920 — 610; 1939 — 805; 1959 — 727; 1989 — 414; 2002 — 389; 2010 — 419 кеше. Башҡорттар, татарҙар йәшәй (2002). Урта мәктәп, фельдшер‑акушерлыҡ пункты, мәҙәниәт йорто, китапхана бар.
Ауылға 19 б. аҙ. Өфө өйәҙендә ш. уҡ өйәҙҙең Иҫке Юрмаш а. кешеләре нигеҙ һала. 1906 й. мәсет, бакалея кибете теркәлгән. 20 б. 50‑се йй. Т. Яңы Юрмаш а. (Р.Ғ.Әхмәтйәновтың тыуған ауылы) ҡушылған. Ауыл эргәһендәге 1903—11 йй. ултыртылған ҡарағайлыҡ — тәбиғәт ҡомартҡыһы.
Тәрж. Р.Ғ.Ғилманов