ТУФАН Хәсән Фәхри улы
ТУФАН Хәсән Фәхри улы (27.11. 1900, Ҡазан губ. Иҫке Кирәмәт а. — 10.6.1981, Ҡазан), шағир. “Ғәлиә” мәҙрәсәһендә уҡыған (1914—18). “Йырҙар, шиғырҙар” (1958), “Дауыллы йылдар лирикаһы” (1970), “Лирика” (1980; бөтәһе лә — татар телендә) һ.б. шиғри йыйынтыҡтар авторы. Шиғриәтенә юғары гражданлыҡ, яңғырау масштаблығы, фәлсәфәүилек хас. Ҡайһы бер әҫәрҙәрендә Башҡортостандың үткәненә һәм бөгөнгөһөнә дан йырлана (“Һин миңә изге юл теләнең”, “Ул йәш ине”, “...Ә ер барыбер әйләнә”; бөтәһе лә — татар телендә). Өфөлә РСФСР Яҙыусылар союзының Ойоштороу ком‑ты пленумында (1958), 4—6‑сы БАССР яҙыусылары съездарында ҡатнаша. Т. шиғриәте башҡ. шағирҙары Б.Бикбай, Б.Вәлид, Р.Ниғмәти, Ғ.Сәләм һ.б. ижадына йоғонто яһай. Уның шиғырҙарына Б.М.Ғайсин һ.б. композиторҙар йырҙар ижад иткән. ТАССР‑ҙың Ғ.Туҡай ис. Дәүләт пр. лауреаты (1965).
Ә ҫ ә р ҙ.: Йөрәк дәфтәрҙәренән: шиғырҙар. Өфө, 1960.
С.Ғ.Сафуанов
Тәрж. Р.Ә.Сиражитдинов