ТҮБӘН АҠБАШ, Кушнаренко р‑нындағы ауыл

ТҮБӘН АҠБАШ, Кушнаренко р‑нындағы ауыл, Шәрип а/с ҡарай. Район үҙәгенән К.‑Көнс. 22 км һәм Өфө т. юл ст. Т.‑Көнб. табан 38 км алыҫлыҡта Кәрәкә й. (Ҡармасан й. ҡушылдығы) буйында урынлашҡан. Халҡы: 1896 й. — 284 кеше; 1920 — 387; 1939 — 349; 1959 — 162; 1989 — 76; 2002 — 125; 2010 — 184 кеше. Башҡорттар, татарҙар йәшәй (2002).

Ауылға 18—19 бб. араһында Өфө өйәҙе Ҡаршын улусының Аҡбаш а. (хәҙ. Үрге Аҡбаш а.) башҡорттары үҙ ерҙәрендә нигеҙ һала. 1865 й. 145 йортта 832 кеше (Үрге Аҡбаш һәм Урта Аҡбаш аа. халҡы м‑н бергә иҫәпкә алынған) йәшәгән. Игенселек, малс‑ҡ м‑н шөғөлләнгәндәр. 2 мәсет, училище, 2 һыу тирмәне булған. 1896 й. Т.А. (Сорокин) исеме м‑н теркәлгән, мәсет, һыу тирмәне, бакалея кибете булған. Ә.Ғ.Садиҡова ошо ауылда тыуған.

Тәрж. Р.Ғ.Ғилманов