ТҮКӘТ 1‑cе, Күгәрсен р‑нындағы ауыл

ТҮКӘТ 1‑cе, Күгәрсен р‑нындағы ауыл, Нуҡай а/с ҡарай. Район үҙәгенән К.‑Көнс. 30 км һәм Мәләүез т. юл ст. К.‑Көнс. табан 105 км алыҫлыҡта урынлашҡан. Халҡы: 1900 й. — 392 кеше; 1920 — 373; 1939 — 199; 1959 — 186; 1989 — 145; 2002 — 153; 2010 — 147 кеше. Башҡорттар йәшәй (2002). Башланғыс мәктәп, фельдшер-акушерлыҡ пункты, клуб бар.

Ауылға 18 б. аҙ. Ырымбур өйәҙе Ҡыпсаҡ улусы башҡорттары үҙ ерҙәрендә Түкәт исеме м‑н нигеҙ һала. Тәүге төпләнеүсе Түкәт Ялсы исеме м‑н аталған. Шулай уҡ Тимербай булараҡ теркәлгән. 19 б. уртаһында 2‑се Түкәт бүлендек ауылы барлыҡҡа килгәндән һуң хәҙ. исемен йөрөтә. 1866 й. 60 йортта 272 кеше йәшәгән. Малс‑ҡ, игенселек м‑н шөғөлләнгәндәр. Мәсет булған.

Тәрж. Р.Ғ.Ғилманов