ТҮЛӘК, Мәләүез р‑нындағы ауыл

ТҮЛӘК, Мәләүез р‑нындағы ауыл, Первомайский а/с ҡарай. Район үҙәгенән һәм Мәләүез т. юл ст. Көнс. табан 4 км алыҫлыҡта Ағиҙел й. буйында урынлашҡан. Халҡы: 1906 й. — 229 кеше; 1920 — 285; 1939 — 154; 1959 — 147; 1989 — 154; 2002 — 142; 2010 — 241 кеше. Башҡорттар йәшәй (2002).

Ауылға 18 б. уртаһында Нуғай даруғаһы Тамъян улусы Моҡас/Оло Моҡас а. башҡорттары үҙ ерҙәрендә нигеҙ һала. Тәүге төпләнеүсе Түләк Ҡолоев исеме м‑н аталған. Шулай уҡ Тирис булараҡ теркәлгән. 1795 й. 20 йортта 130 кеше йәшәгән, 1865 й. 27 йортта — 168 кеше. Малс‑ҡ, игенселек, урман кәсептәре м‑н шөғөлләнгәндәр. 1906 й. ағас һаҡлау склады, мөгәзәй, борам м‑н сығыу урыны теркәлгән; шөғөлдәр араһында ылаусылыҡ булған. Т.Х.Үҙәнбаева ошо ауылда тыуған.

Тәрж. Р.Ғ.Ғилманов