Для авторизации на текущем портале в Вашем профиле ЕСИА должно быть заполнено поле "Электронная почта"

Инергə
Төбәк интерактив энциклопедик портал «Башҡортостан»
Башҡортостан Республикаһы Фәндәр академияһы Башҡортостан Республикаһы “Башҡорт энциклопедияһы” дәүләт автономиялы фән учреждениеһы

ҮҘӘК ЭЛЕКТР БҮЛЕҮ СЕЛТӘРҘӘРЕ

Просмотров: 661

ҮҘӘК ЭЛЕКТР БҮЛЕҮ СЕЛТӘРҘӘРЕ, электр энергияһын Өфө ҡ. төньяғы, Архангел, Благовещен, Бөрө, Иглин, Кушнаренко, Ҡырмыҫҡалы, Мишкә, Нуриман, Шишмә р‑ндары ҡулланыусыларына, ш. иҫ. “Баштрансгаз”, Яңы Өфө нефть эшкәртеү заводы, Өфө моторҙар эшләү производство берекмәһе, “Уфанефтехим”, “Уфаоргсинтез”, Өфө ит-консерва комбинаты, Өфө нефть эшкәртеү заводы пр‑тиеларына тапшырыуҙы һәм бүлеүҙе тәьмин итә. Оператив‑диспетчерлыҡ хеҙмәте Өфөлә урынлашҡан, район диспетчерлыҡ пункттары эшләй. Ү.э.б.с. составына дөйөм билдәләнгән ҡеүәте 1277,3 МВ•А булған 35—110 кВ көсөргәнешле 81 трансформатор подстанцияһы, 6(10)—0,4 кВ көсөргәнешле 3355 трансформатор пункты, 0,4 кВ (оҙонлоғо 4795 км), 6—10 кВ (5727 км) һәм 35—110 кВ (2243 км) көсөргәнешле электр тапшырыусы һауа һәм кабель линиялары инә (2010). Хеҙмәтләндереүҙең дөйөм күләме 53723,2 шартлы берәмек тәшкил итә. 1953 й. “Башкирэнерго” составындағы Черниковск районы юғары вольтлы электр селтәрҙәре булараҡ нигеҙ һалына, 1957 й. алып Черниковск юғары вольтлы селтәрҙәре, 1960 й. башлап Юғары вольтлы электр селтәрҙәре, 1964 й. алып Өфө электр селтәрҙәре, 1965 й. — Ү.э.б.с., 1992 й. — “Башкирэнерго” филиалы, 2005 й. башлап “БашРЭС- Уфа”ның(“Башкирэнерго” ААЙ бүлендек йәмғиәтенең “Башҡортостан электр бүлеү селтәрҙәре” ЯСЙ филиалы) хәҙ. исемендәге структур бүлексәһе.

Әҙәб.: Башкирэнерго: этапы, события, люди. Уфа, 2000.

Тәрж. Ә.Н.Аҡбутина

Дата публикации: 10.10.2019
Дата последнего обновления публикации: 12.11.2019