ҮҘӘК ИҠТИСАДИ ТӨБӘК

ҮҘӘК ИҠТИСАДИ ТӨБӘК, Башҡортостан Республикаһының Архангел, Благовещен, Бөрө, Иглин, Кушнаренко, Ҡырмыҫҡалы, Мишкә, Өфө, Шишмә административ райондарын, Благовещен, Бөрө, Өфө ҡҡ. берләштерә. Иҡтисади төбәктең майҙаны 19215 км2 (БР майҙанының 13%‑ы). 2008 й. халыҡ һаны 1457,6 мең кеше (респ. халҡы һанының 35,8%‑ы), 1990—2002 йй. 0,1%‑ҡа артҡан (БР б‑са — 4,1%-ҡа). Тармаҡ структураһын һәм производствоны махсуслаштырыуҙы Өфө сәнәғәт узелы билдәләй. Төбәктә БР иҡт. потенциалының 42,6%‑ы тупланған, респ. сәнәғәт продукцияһының 39,7%‑ы етештерелә (иҡт. төбәктәр араһында сәнәғәт етештереүҙе үҫтереү кимәле б-са 1‑се урынды биләй; ҡара: табл.): яғыулыҡ сәнәғәте өлөшө — 38,9%, химия сәнәғәте — 20,4, машиналар эшләү һәм металл эшкәртеү — 20,3, аҙыҡ‑түлек сәнәғәте — 11, ағас эшкәртеү сәнәғәте — 2,2, төҙөлөш материалдары сәнәғәте — 1,9, еңел сәнәғәт — 0,7, ҡара металлургия 0,6% тәшкил итә. А.х. файҙаланылған ауыл хужалығы ерҙәре һәм һөрөнтө ерҙәр (БР б‑са %‑тарҙа) — 14,3 һәм 15,0; һыйыр малы — 14%, сусҡа — 13, һарыҡ һәм кәзәләр — 11% тәшкил итә. Дөйөм респ. а.х. продукцияһы күләменең 17%‑ы етештерелә: иген — 12%, картуф — 34, асыҡ тупраҡта үҫтерелгән йәшелсә — 24,4, һөт — 15%. Мал һәм ҡош ите һатыу респ. һатылғандың 20%‑ын, йөн 79%‑ын тәшкил итә. Автомобиль юлдарының оҙонлоғо 1378,5 км (дөйөм респ. күләменең 19,1%‑ы, БР б‑са 4‑се урын). Төбәк өлөшөнә респ. торлаҡ фондының 32,6%-ы тура килә.

Әҙәб.: И с я н б а е в М.Н. Экономические подрайоны Республики Башкортостан: приоритетные направления социально‑экономического развития. Уфа, 2008.

М.Н.Иҫәнбаев

Тәрж. Ә.Н.Аҡбутина

Башҡортостан Республикаһының Үҙәк иҡтисади төбәгенең иҡтисади күрһәткестәре (2008)

*1.1.2008 й. ҡарата төп фондтарҙың граждандар мөлкәтендә булған һәм “Газпром” ААЙ‑ның төп фондтарынан тыш тулы иҫәп хаҡы.

**Финанслауҙың бөтә сығанаҡтары иҫәбенә.

***Иҡтисади эшмәкәрлектең бөтә төрҙәре б‑са.