УРЫҪҺАҘ, һаҙлыҡ

УРЫҪҺАҘ, Кама й. басс. һаҙлыҡ. Краснокама р‑ны Ҡыҙғау а. көньяҡҡа табан 1 км алыҫлыҡта урынлашҡан. Кама й. ташҡын‑һыубаҫар туғай комплексына инә. Уйһыу һаҙлыҡ, дөйөм майҙаны 1131,0 га, торфтың уртаса ҡалынлығы 1,7 м, эшкәртелмәгән торф запасы 3752,0 мең т. Башлыса ер өҫтө һыуҙары м‑н туйына. Аҡ ҡайын, ҡара ерек, тал, ябай муйыл, ҡара ҡарағат, ҡыҙыл балан, бесәй үләне, кәкүкбаш, урман шыма ҡурайы, һаҙҡанат һ.б. үҫә. Ҡабан, мышы, һеләүһен, ҡара төйлөгән, ҡуҡый, ялан торомтайы һ.б. йәшәй. Күсәр ҡоштар — аҡ сикәле ҡарағаҙ, ҡаңғылдаҡ аҡҡош, мөншөгөр, мәрйенгүҙ, һоро торна, һуна өйрәк һ.б. туҡтала.

Ә.М.Гәрәев

Тәрж. А.Н.Күсеев