Для авторизации на текущем портале в Вашем профиле ЕСИА должно быть заполнено поле "Электронная почта"

Инергə
Төбәк интерактив энциклопедик портал «Башҡортостан»
Башҡортостан Республикаһы Фәндәр академияһы Башҡортостан Республикаһы “Башҡорт энциклопедияһы” дәүләт автономиялы фән учреждениеһы

ТАЖДАРОВА Нәғимә Әхмәҙулла ҡыҙы

Просмотров: 480

ТАЖДАРОВА (Әхмәҙуллина) Нәғимә Әхмәҙулла ҡыҙы (25.5.1888, Ҡазан губ. Утар-Аты а. — 16.3.1947, Ҡазан), актриса. РСФСР‑ҙың атҡ. (1940), ТАССР‑ҙың халыҡ (1939) артисы. 1915 й. алып “Сәйяр” труппаһы, Граждандар һуғышы йылдарында фронт бригадалары, 1922 й. башлап Үрнәк татар‑башҡорт театры, 1926 й. — Татар акад. театры (Ҡазан) актрисаһы. Тәүге быуын татар һәм башҡ. драма актёрҙарының береһе. Т. героинялары ҡырыҫ тойолғанда ла йомшаҡ холҡо, мөләйемлелеге м‑н айырылып тора. Төп ролдәре: Хәжәр (“Йәмһеҙ тормош”, Ф.Сәйфи‑Ҡазанлы), Сәғиҙә (“Күмелгән ҡоралдар”, Һ.Таҡташ), Ләйлә (“Миркәй һәм Айһылыу”, Н.Иҫәнбәт), Мария Антоновна (“Тикшереүсе” — “Ревизор”, Н.В.Гоголь), Коринкина (“Ғәйепһеҙ ғәйеплеләр” — “Без вины виноватые”, А.Н.Островский), Татьяна (“Емерелеү” — “Разлом”, Б.А.Лавренёв), Оксана (“Эскадра һәләкәте” — “Гибель эскадры”, А.Е.Корнейчук; бөтәһе лә — татар телендә) һ.б.

Әҙәб.: Е н и к и Ә. Таждарова. Казан, 1957.

И.И.Иләлова

Тәрж. Г.Һ.Ризуанова

 

 

Дата публикации: 10.10.2019
Дата последнего обновления публикации: 12.11.2019