ХУРСАН Сергей Леонидович
ХУРСАН Сергей Леонидович (12.4. 1961, Өфө), физик‑химик. Химия ф. д‑ры (1999), проф. (2001). БДУ‑ны тамамлағандан һуң (1982) шунда уҡ, бер үк ваҡытта 1988 й. башлап Органик химия ин‑тында эшләй: 2008 й. алып баш ғилми хеҙм‑р, 2010 й. – лаб. мөдире. Фәнни хеҙмәттәре окисланыу процестары кинетикаһы һәм механизмын, пероксил радикалдарҙың реакцияға инеү һәләте һәм рекомбинацияһы механизмын; ароматик карбонилоксидтарҙың, органик полиоксидтарҙың (диоксирандар, три‑һәм тетраоксидтар) химик үҙенсәлектәрен өйрәнеүгә; органик берләшмәләрҙең термохимияһын, каталитик процестарҙың, ш. иҫ. полимерлашыуҙың, актив үҙәктәрен теоретик тикшереүгә арналған. 300‑ҙән ашыу фәнни хеҙмәт авторы.
Хеҙм.: Физическая химия органических пероксидов. М.,2003 (авторҙ.); Thermochemistry of Organic Peroxides //Peroxides at the Beginning of the Third Millenium: Synthesis, Properties, and Application. New York, 2004 (авторҙ.).
Ә.Ғ.Мостафин
Тәрж. Р.Ғ.Ғилманов