ЯЛМАУЫҘ

ЯЛМАУЫҘ, башҡорт мифологияһында яуыз иблес. Әкиәттәрҙә(“Ҡараса батыр”, “Алтындуға батыр”) 7, 9 һәм 12 башлы йыланға йәки аждаһаға оҡшаш зат, ағастарын үҙе ул­тыртҡан баҡсала йәшәй. Ғәҙәттә батыр Я. ҡоллоҡҡа алған ҡыҙҙарҙы ҡотҡарыр өсөн уның м‑н алышҡа сыға һәм үлтерә. Хөрәфәттәр б‑са, Я. – кеше ашай торған сихырсы, убыр, бәпес һәм ҡыҙҙарҙы урлай; М.А. Ҡулаевтың яҙмалары б‑са, — мәскәйгәоҡшаған ҙур ауыҙлы ҡарт бисә. Я. башҡа төрки халыҡтарҙың мифологияһында ла осрай.

Ф.Ғ.Хисамитдинова

Тәрж. Р.Ә.Сиражитдинов