ХӘБИБУЛЛИН Радик Ғабдулла улы
ХӘБИБУЛЛИН Радик Ғабдулла улы (5.12.1934, Өфө — 7.3.2017, шунда уҡ), пианист. БАССР‑ҙың халыҡ(1985) һәм атҡ. (1972) артисы. Ә.С.Шайморатованың улы. 1953—57 йй. Мәскәү консерваторияһында уҡыған (Я.И.Мильштейн класы). Гнесиндар ис. Муз.‑пед. ин‑тын тамамлаған (Мәскәү, 1968; М.А.Зайдентрегер класы). 1958 й. алып Башҡ‑н респ. мәҙәни‑ағартыу уч‑щеһы (Стәрлетамаҡ ҡ.) уҡытыусыһы, 1960—2004 йй. Башҡорт филармонияһы концертмейстеры, бер үк ваҡытта 1991 й. башлап ӨДСИ‑лә уҡытҡан.
Х. башҡарыу сәнғәтенә техник камиллыҡ, экспрессивлыҡ, музыкаллек, әҫәрҙәрҙең стилен һәм характерын тәрәндән аңлау, ансамблде тойоу хас булған. Репертуарына сит ил (Л. Бетховен, Ф.Лист, Ф.Шопен), урыҫ (М.И.Глинка, С.В.Рахманинов, Н.А.Римский‑Корсаков), башҡорт (З.Ғ.Исмәғилев, Р.В. Сәлмәнов, Х.Ф.Әхмәтов) композиторҙарының әҫәрҙәре ингән. Ульяновск ҡ. БАССР мәҙәниәте (1968), Яҡут (1969, 1978) һәм Ҡарағалпаҡ (1976) АССР‑ҙарында БАССР әҙәбиәте һәм сәнғәте, Әзербайжанда БР мәҙәниәте (2001) көндәрендә ҡатнашҡан.СССР һәм донъяның 10 иле буйлап гастролдәрҙә булған. Бөтә Рәсәй опера‑камера йырҙары конкурсы (Пермь ҡ., 1987), Ф.Виньяс ис. (Барселона ҡ., Испания, 1993), М.И. Глинка ис. (1995) халыҡ‑ара конкурстар, Ғ.Әлмөхәмәтов ис. Асыҡ респ. вокалистар конкурсы (1999; икеһе лә — Өфө) һ.б. дипломанты. “Почёт Билдәһе” орд. м‑н бүләкләнгән (1976).
А.Р.Сабирова
Тәрж. Г.Һ.Ризуанова