ЯМАЕВА Лариса Әсхәт ҡыҙы

ЯМАЕВА Лариса Әсхәт ҡыҙы (7.11.1955, Улан‑Удэ), тарихсы. Тарих ф. д‑ры (2004). БДУ‑ны тамамлаған (1979). 1974—2003 йй. (өҙөклөктәр м‑н) ТТӘИ‑лә эшләй (1994 й. алып өлкән ғилми хеҙм‑р). 1978—80 йй. СССР ФА БФ‑тың ВЛКСМ ком‑ты секретары, 1982—83 йй., 1987—94 йй. БДПУ‑ла уҡыта. 2003 й. башлап Көнсығыш иҡт.‑юридик гуманитар акад. Ватан тарихы каф. мөдире, 2005 й. — тарих һәм хоҡуҡ ф‑ты деканы, 2006 й. алып БР ФА‑ның Гуманитар тикшеренеүҙәр ин‑тында өлкән ғилми хеҙм‑р, 2008 й. — бүлек мөдире. Фәнни тикшеренеүҙәре 20 б. башында Рәсәй мосолмандарының сәйәси тарихына, башҡорттар араһында исламдың таралыу үҙенсәлектәренә арналған. 100‑ҙән ашыу фәнни хеҙмәт авторы.

Х е ҙ м.: Мусульманский либерализм начала XX века как общественно‑политическое движение (по материалам Уфимской и Оренбургской губерний). Уфа, 2002; Региональные особенности ислама у башкир. Уфа, 2009 (авторҙ.).

Тәрж. Ф.Ә.Ҡылысбаев