ЯМАЛИЕВ Памир Камалетдин улы

ЯМАЛИЕВ Памир Камалетдин улы (26.5.1942, БАССР‑ҙың Салауат р‑ны Ташауыл а. — 27.3.1999, Өфө), тренер. Биатлон б‑са Рәсәйҙең атҡ. тренеры (1994) һәм СССР‑ҙың спорт мастеры (1969). БР‑ҙың атҡ. физик культура хеҙм‑ре (1993). П.Ф.Лесгафт ис. Ленинград физик культура ин‑тын тамамлаған (1976). 1974 й. алып Н.Ф.Гастелло ис. спорт клубы, бер үк ваҡытта 1986 й. башлап Биатлон б‑са СДЮСШОР тренеры һәм БР йыйылма командаһының өлкән тренеры. Тәрбиәләнеүселәре араһында Л.И.Дюпина, П.И.Муслимов, ш. уҡ 30‑ҙан ашыу СССР һәм Рәсәй спорт мастеры бар. 2002 й. алып йыл һайын Өфөлә Я. иҫтәлегенә арналған Бөтә Рәсәй ярыштары үткәрелә.

Тәрж. Г.А.Миһранова