ЯМАНТАУ, һырт

ЯМАНТАУ, Башҡортостан (Көньяҡ) Уралындағы һырт. Салауат р‑ны буйлап Һикияҙ һәм Падчина йй. (Әй й. ҡушылдыҡтары) араһында субмеридиональ йүнәлештә һуҙылған. Оҙонлоғо яҡынса 14 км, киңлеге 1—4 км, абс. бейеклеге 509 м. Бейеклеге 473—509 м булған 4 түбәһе бар. Рельефы тәпәш тауҙарҙан ғибәрәт. Девон эзбизташтарынан, доломиттарынан, алевролиттарынан, ҡомташтарынан тора. Һыртта Әй й. ҡушылдыҡтары башлана. Ландшафы ҡараһыу һоро урман тупрағындағы ҡарағай һәм ҡайын урмандарынан ғибәрәт.

Тәрж. И.М.Япаров